في كاش او ما في كاش
|
|
اخر الاخبار
|
|
|
|
|
|
|
|
واقع ضروري نحكي في لأنّو زدناها كتير وعم نسرّع الإنهيار.
إنتو بتعرفوا إنّو لبنان من أكثر البلدان يلّي بتستعمل النقدي بوقت ٧٠٪ ل ٨٠٪ من حاجياتنا قادرين ندفعا بطرق بديلة.
إنتوا بتعرفوا إنو قادرين وبكل سهولة تيسروا أموركن الحياتيّة اليوميّة بلا ما تستعملوا نقدي؟
تعوا لنعدّد كيف:
١-حاجياتنا اليومية للبيت من السوبرماركت ندفعها بالكارت
٢-بنزينات سيارتنا وغسيلا وزيوتا ندفعها بالكارت
٣-ضهراتنا وسهراتنا نتدفعها بالكارت
٤-تيابنا وأكسسواراتنا ندفعها بالكارت
٥- فرش بيتنا وأغراضنا ندفعها كارت او شيك
٦- قسوطاتنا ومستحقاتنا للبنك ندفعها شيك
٧- قسوطات المدارس والجامعات نحولها بالبنك
٨-بوالص التأمين والضرايب ندفعها شيك
٩-كهرباء و ماي وتلفون منوطّنن بالبنك
طيب إذا كل هل قصص وفي غيرن كتير قادرين ندفعن بلا النقدي لي نركض عالبنك ونطلع لايف ونعمل مشكل ونعرض وظايف الناس للخطر كل ما حدا قلنا مش قادر اليوم أعطيك نقدي أكتر من ألف أو ألفين دولار وخود معن لبناني؟
حدا يقلي كيف بدو يضل في اقتصاد بزمن ثورة والكل راكض يسحب مصرياتو ويضبن بالبيت ويزيد على أزمة نقص السيولة؟ إنتوا بتعرفوا إنو رغم كل "القيود" المتّبعة بالمصارف نحنا ساحبين بي ٨ أيام أكتر ما منسحب بشهر كامل؟
يا جماعة مظبوط الوضع صعب بس خلّونا ما انصعّبوا أكتر. المصارف قالتلكن استعملوا الكارت قد ما بدكن ومصرياتكن بأمان وليلّي ما بيعرف، مصلحة المصارف هيي ثقة الزبون وتعاملو معا.
ف يا جماعة الخير حتى إذا ضبيوتو المصاري بالبيت بدكن ترجعوا تدفعوون بالسوق لمشترياتكم. خلوهم بالبنك واستعملوا الطرق البديلة وما بتعوزوا نقدي إلّا شي بسيط.
خلونا كلنا نكون على قد المسؤولية! ما نسرّع الإنهيار!
نحنا بزمن ثورة بدا تضحية ووقت لننتصر عالفساد ونردّ المال المنهوب. بدل مانسرّع الإنهيار ونلتهي بموضوع نقص النقدي خلّينا نسرّع الثورة لنلحّق نبني بلد!!
سيمون بيار الخوري
|
|
|
|
|
|
|
يلفت موقع "اخر الاخبار" انه غير مسؤول عن النص ومضمونه، وهو لا يعبّر إلا عن وجهة نظر كاتبه أو مصدره
|
|
|
|